Do

15

Jan

2015

Jugendmusig Wauperswiu het Theater gemacht!

Auti Fotine bringes füre:

Im 1981 het d'Jugendmusig mit em Heinz Zwicky aus Presidänt Theater g'macht! Mir si aber nid uf d'Strass gange oder schüsch ufmüpfig gsi - nei mir hei ä Schwank i eim Akt vom Maximilian Vitus igschdudiert u im Chrüz z'Wauperswiu nach em Konzärt ufgführt. 

Wär derbi isch gsi? Lueg unger JMW-GSCHICHT- 1981!

0 Kommentare

Mi

31

Dez

2014

Dr Countdown louft...

0 Kommentare

Di

01

Jul

2014

Dorfturnier z'Wauperswiu

Die Sportliche vor Jugendmusig u Musiggseuschaft Wauperswiu si am Wauperswiler-Dorfturnier vom 4. Juli 2014 mit zwe Mannschafte verträte. Dr erscht Matsch wird am Abe um die Sächse apfiffe u es wird e grossi Fän-Ungerschtützig (ohni Usschritige wie z'Züri, Basu oder Bärn) erwartet.

Allez MG Wauperswiu!!!

1 Kommentare

So

29

Jun

2014

Konzärt bim KPW14 am Hagneckkanau

D'Jugendmusig Wauperswiu het bim Kantonaubärnische Pontonierwettfahre (KPW14) am Sunntig, 29. Juni 2014 d'Wettkämpfer u Gäscht vo däm Alass dörfe ungerhaute. Fasch ds'ganze Repetoir het's brucht für zwöi Mau e haub Schtung chönne z'musige. Aber es het gfägt u mängi positivi Rückmäudig ghä.

- U wes ds'nächschte Mau schtatt "Ragout, Schpätzli und Rüebli" nume e "Wurscht mit Pommes" git, macht das de o nüt... ;-)

0 Kommentare

So

15

Jun

2014

Musigfescht z'Aarwange

Am Bärnische Kantonaumusigfescht hei füf Jungmusikante äs erschts Mau mit dr Musig Wauperswiu a mene so grosse Alass mitgmacht. Derbi hei sie Glägeheit übercho, angeri Vereine zlose, nöii Kontakte zchnüpfe, die spezieui Feschtschtimmig chönne zgniesse u sech letschtlech über die guete Resultat chönne fröie:

D'Wauperswiler hei nämlech ir zwöite Schtärkeklass vo de Harmoniemusige ir Konzärtmusig ä 4. Rang und uf dr Marschmusig ä 2. Rang erreicht!

 

mehr lesen 1 Kommentare